E MO LA FACIM’ COCCHE COS… O LU LASSAM MURI’, STU PAES?


d Mchel Pill
Stavot vogl fa comm facemm tanta tiemp fa: vogl scriv muntautes! Pot ess ca cocchedun m capisc e fors m stac a sent. Ma fors song tropp ottimist. Ma che m n freg a me, c vogl pruà. E allor stat’m a sent. Cocche juorn fa agg lett lu Corrier d l’Irpinij, lu giurnal, e là sop stev scritt na cos ca m’ha fatt ragg. Quest è quer ca stev scritt loc sop.
Tanta cos, tanta spustament fin a Napul d l’amministrazion d Griec e d li pais loc attuorn. E mo, par ca cocche cos d buon pot arr’và. La Region par ca mo mett man a la sacc e tir for cocche cos d sold. Cu quiri sold s puonn fa tanta cos, tanta fatij p lu paes. Lu sinn’c d Griec, Zoccan, s’a mist dint’a l’aurecchij d quir ca stann a la Region e mo fors a Griec li sold arriv’n. Ovviament, lu sinn’c è cuntent d quest, pecché cu li sold pot fa cocche cos d nuov. Pot accunzà e pot scascià. E quest pot ess na cosa bon pur p l fabbrich e li negozij ca stann loche ttuorn, e li ricisch finalment puonn fatià buon pur lor. 
E mo, ovviament, l’amministrazion s’a mist n’gap d fa tant d quer fatij ca puonn accunzà lu paes comm s dev.
Mo, nuij simm cuntent p li r’cisch, pecché so nuost vicin d cas. Però, quer ca c ven da dummannà è quest: ma ndò caspit stac Muntaut? P’cché sul da nuij nun se fac nient? E allor, assì quer ca scriv nunn è lu ver, lu vuless sapé! Vuless na rispost da part d chi cumann. Che s stac facenn p lu paes? Che cos? E mò m’abbijn a g’rà quer cos ca stann abbasc! Ogne vot s parl, dinn ca fatijn p lu paes. Vogl sapé: che stann cumb’nenn? Quann hann fatt li cumizij elettoral, ca nuij amm appuggiat, c d’cettn ca vulev’n fa lu uosc nuov, lu spizij a via Iaull, lu camp a la Paulin… E invec, che’nn fatt? Vogl legg, che’nn fatt! Vuless vedè cocche cos buon avverament, e no lu camp da bocc! Vuless vedé cocche cos d buon! E p la sicurezz nient, sul la telecam’r mpon’t a lu cumun. E p la guardia medic nient – e mo invec dinn ca lor c’ev’n penzat. E allor? E p li vagliun? Cocche proggett? Quann a s’ttembr ha sciut nu band da la Region, mic l’ann ditt! E p l’anzian? Dinn ca ormaij è nu paes d viecchij, e p l’anzian che s fac? Nient! Nient d nuov p lu paes. Ha ‘rrvat internet, e quest è na cosa bon, ma ha ‘rrvat grazij a la Vodafòn. Vogl sapé: che s fac d buon p lu paes? Cocche nuv’tà c stac, o fors è megl ca lu facim murì stu cazz d paes?
Mé, v chied scus p lu sfog, ma sapit lu fatt qual è? E’ ca ij… song fur’stier. Certi cos nun l pozz dic. Pecché ij mic abbit a Muntaut… E allor è megl ca m steng zitt. Anz, lassam’l parlà, a quiru fess, tant so quatt att, sop a quiru sit… E pur dint a lu paes, so quatt att… Stann cchiù viecchij ca giuv’n… E’ megl a nun fa nient!
E allor a me che m n freg? Che c n freg? Assam’l murì, Muntaut…
E no, ij nun c steng! E finché pozz parlà, parl… E sper ca cocchedun m stac a sent, p’cché assì no qua s mett ammalament…
(E mo vid ca m’arriv cocche telefonat… E’ semp accussì ca funzion: scriv cocche cos ca dac fastidij e t dinn ca nun può scriv st cos… Vogl proprij v’dé!)

2011-10-28 02:08:45

5

Commenti

comments

Lascia un commento